Red Rose of Last Year: 10. ວັນນີ້ເມື່ອປີກາຍ

ຄໍານໍາ

ກອນເສຣີ (ເສລີ) ຫລືກະວີອິດສຣະແມ່ນ

ກອນປະເພດນຶ່ງທີ່ໄດ້ຮັບການແຜ່ຫລາຍ

ຢູ່ໃນວົງການກະວີນິພົນສາກົນ.

ເນື່ອງຈາກວ່າມັນເປັນສາກົນອີ່ຫລີເພາະ

ວ່າ ປະເພດກອນຕ່າງໆໃນຫລາຍປະເທດ

ລ້ວນແລ້ວແຕ່ມີຜັງກອນຈຳເພາະ ຫລື

ວິທີແຕ່ງທີ່ຈໍາກັດຢູ່ໃນຫລັກໄວຍາກອນ

ຫລືຕໍາລາການປະພັນຂອງປະເທດນັ້ນໆ.

T.S. Eliot ຜູ່ປະພັນ"ບົດກະວີທີ່ນໍາໃຊ້

ຫລາຍໃນສະຕະວັດທີ 21" ໄດ້ກ່າວໄວ້ວ່າ

"ກອນເສລີເປັນສຽງຮຽກຮ້ອງເພື່ອອິດ

ສຣະພາບ ແຕ່ວ່າມັນບໍ່ມີອິດສຣະພາບ

ຢູ່ໃນສິລະປະ" ບັດແລ້ວກໍສລູບໄວ້ວ່າ:

"ມັນມີກອນມ່ວນ ແລະບໍ່ມ່ວນ ແລະ

ກອນທີ່ຊາລື"... ເພິ່ນໝາຍເຖິງຫຍັງ?

ກອນເສຣີ ບໍ່ມີຜັງກອນ ບໍ່ມີຄໍາປະຈໍາທີ່

ບໍ່ມີການສຳຜັດ ບໍ່ມີຈໍານວນພະຍາງ

ແຕ່ກໍມີການເອົາໃຈໃສ່ເປັນພິເສດ.

ສ່ວນຫລາຍແລ້ວ ນັກກະວີຜູ່ປະສົບຜົນ

ສຳເລັດໃນກອນເສຣີ ແມ່ນມີປະສົບການ

ຮູ້ຫລັກການຂອງການແຕ່ງກອນທັມ-

ມະດາມາກ່ອນແລ້ວ.

ຜູ່ແຕ່ງກອນເສຣີ ຕ້ອງຮູ້ປະດິດສ້າງ ແຕ່

ບໍ່ພິຖີພິຖັນໃນຜັງກອນ ຈໍານວນພະຍາງ

ການສຳຜັດ ພຽງແຕ່ຂຽນທຸກຢ່າງອອກ

ຈາກຫົວຂອງຕົນເອງໃນຕອນນັ້ນໂລດ...

ການລົງແຖວ ຫລືສິ້ນສຸດແຖວກໍມີ

ຄວາມສໍາຄັນ ຜູ່ແຕ່ງຕ້ອງຕັດສິນໃຈ

ເພື່ອໃຫ້ຜູ້ອ່ານຢຸດຫັນໃຈ ຫລືສົນໃຈຄຶດ

ວາດພາບ...ຢູ່ບ່ອນລົງແຖວນີ້ ຜູ່ແຕ່ງ

ຕ້ອງເລືອກເຟັ້ນຄໍາສັບຫລືພະຍັນຊນະ

ໃຫ້ສອດຄ່ອງເພື່ອໃຫ້ຜູ້ອ່ານເກີດອາຣົມ

ຈິດ...ການເນັ້ນໜັກບາງຄໍາສັບ ຫລື

ປໂຍກເປັນອີກປະເດັນນຶ່ງເພື່ອໃຫ້ເຫດ

ການນັ້ນໆ ຫລືຈິນຕະນາພາບນັ້ນໆ ພົ້ນ

ເດັ່ນຂຶ້ນຕື່ມ...

ການໂຮມກອນເສລີສະບັບອ໋ອນລາຍນີ້

ແມ່ນເລືອກເຟັ້ນມາຈາກປຶ້ມອ໋ອນລາຍ

ຫົວທີ 1 ຫາ 4 .. ຈໍານວນບົດມີຈໍານວນ

ຈໍາກັດທາງດ້ານເທັກນິກ. ບົດສ່ວນ

ຫລາຍມີເປັນພາສາອະເມຣິກັນແລ້ວ.

(ເຄີຍເວົ້າເລື້ອຍໆວ່າກະວີພາສາອະເມ-

ຣິກັນ ເນື່ອງຈາກວ່າເຄີຍໃຊ້ກະວີພາສາ

ອັງກິດມາຮອດພຽງສະຕະວັດທີ 19

ເມື່ອຕົກມາຮອດສະຕະວັດທີ 20 -21

ແລ້ວເພິ່ນແຍກເປັນບົດກະວີພາສາ

ອັງກິດແລະພາສາອະເມຣິກັນ.)

ມີໂຄງການຈະພິມເປັນປຶ້ມພາສາອະເມ-

ຣິກັນໃນປີ 2020 ນີ້. ໂດຍຈະໃສ່ຊື່ວ່າ

Red Rose of Last Year ໃນປື້ມຈະມີ

80 ບົດ ພຽງແຕ່ວ່າຕ້ອງລໍຖ້າໃຫ້ 40%

ຂອງປຶ້ມໄດ້ຖອດເປັນພາສາອະເມຣິກັນ

ກ່ອນ ຄາດການຈະພິມໃນກາງປີ.

ຂໍອວຍພອນໃຫ້ທຸກໆທ່ານທີ່ສົນໃຈ

ຕິດຕາມຜົນງານ ຈົ່ງມີສຸຂະພາບສົມບຸນ

ມີຈິດໃຈເບີກບານດ້ວຍເຖີ້ນ!

24 ມັງກອນ 2020

Red Rose of Last Year

10. ວັນນີ້ເມື່ອປີກາຍ

ຄໍານໍາ

ສາຣະບານ

ຄລິກອ່ານຜົນງານອື່ນໆ

Total Pageviews